Serbiya prezidenti kasalxonaga yotqizildi

Serbiya prezidenti Aleksandr Vuchich sog‘lig‘idagi muammolari tufayli kasalxonaga yotqizildi. Bu haqida RIA Novosti davlat rahbarining Bosh kotibiyatiga tayanib xabar berdi.

Vuchich 15 noyabr, juma kuni kechqurun kasalxonaga yotqizildi. U Harbiy Tibbiyot Akademiyasining kardiologiya bo‘limiga yotqizilgan.

Prezident ma’muriyati 16 noyabr, shanba kuni ertalab Serbiya rahbarining kasalxonaga yotqizilganini e’lon qildi. Vuchichning tashxisi aniq ko‘rsatilmagan, ma’muriyat xabariga ko‘ra u “yurak-qon tomir muammolari” tufayli davolanishga qabul qilingan.

Serbiya Prezidentining maslahatchisi uning ahvoli barqaror ekanligini aytdi. Biroq shifokorlar siyosat uning hayoti va sog‘lig‘iga tahdid solmasligiga ishonch hosil qilish uchun uni kasalxonadan chiqarishga shoshilmasligini ma’lum qilgan.

Eslatib o‘tamiz, Aleksandr Vuchich 2017 yil yozining boshidan beri Serbiya prezidenti lavozimini egallab kelmoqda. 2014 yil apreldan 2017 yil 31 maygacha u mamlakat Bosh vaziri lavozimida ishlagan.