Shu yilning 10 yanvar kuni, Samarqand viloyati IIB Tezkor-qidiruv xizmati xodimlari tomonidan Bulung‘ur tumanida tezkor-qidiruv tadbirlari o‘tkazildi.
O‘tkazilgan tezkor tadbirlari davomida 1981 yilda Samarqand viloyati Bulung‘ur tumanida tug‘ilgan shaxs maxsus xaridorga 1 kg “Marixuana” giyohvandlik vositasini 25.000.000 so‘mdan sotishini oldindan kelishib rejalashtirgani to‘g‘risida ma’lumotlar olindi.
Maxsus xaridor bilan bog‘langan shaxs 5 kilogramm yukni tayyorlab qo‘yganligini ma’lum qildi. Samarqand viloyati IIB TQX xodimlari, viloyat IIB TVBSO hamda viloyat bojxona xizmati xodimlari bilan hamkorlikda Soxibkor MFY hududida o‘tkazilgan tezkor tadbirda, vazni taxminan 5 kg“Marixuana” giyohvandlik moddasini 10.000 AQSh dollariga sotayotgan shaxs daliliy ashyolar bilan qo‘lga olindi.
Holat yuzasidan Jinoyat kodeksining 273-moddasi 5-qismi bilan jinoyat ishi qo‘zg‘atilib tergov harakatlari olib borilmoqda.
