AQShning Venesuelaga ehtimoliy hujumi haqidagi mish-mishlar fonida Rossiyaning Il-76 harbiy transport samolyoti Karakasga yo‘l oldi, deb xabar bermoqda WP.
Nashr ma’lumotlariga ko‘ra, ushbu samolyot Aviacon Zitotrans kompaniyasiga tegishli bo‘lib, u Rossiyaning ittifoqchi davlatlariga harbiy texnika va qurollar yetkazib berish bilan shug‘ullanadi.
Il-76 Venesuela prezidenti Nikolas Maduro Qo‘shma Shtatlarning Karib mintaqasidagi harbiy faolligi ortayotgan bir paytda Rossiyadan harbiy yordam so‘rab murojaat qilganidan ko‘p o‘tmay mamlakat poytaxti Karakasga qo‘ndi, deya yozmoqda The Washington Post.