Rossiyalik Janubiy Koreyada O‘zbekiston fuqarosini o‘ldirganlikda gumonlanib hibsga olindi
Janubiy Koreya polisiyasi O‘zbekiston fuqarosini o‘ldirishda gumon qilib, 50 yoshli rossiyalikni qo‘lga oldi, deb xabar bermoqda Yonhap axborot agentligi.
Polisiya ma’lumotlariga ko‘ra, gumonlanuvchi o‘z qarzini qaytarishdan bosh tortgan 40 yoshli O‘zbekiston fuqarosini bir necha bor pichoqlagan.
Jabrlanuvchi eng yaqin shifoxonaga yetkazilgan, biroq olgan jarohatlaridan vafot etgan.
Qotil voqea joyidan qochib ketgan, ammo uch kundan keyin Tegu polisiyasi tomonidan qo‘lga olingan.