Naberejni Chelnida xay-tek uslubida qurilgan, yuqori texnologik me’moriy ko‘rinishga ega bo‘lgan “Chali Yar” nomli masjid ochildi. Bu haqda RIA Novostiga Tatariston Respublikasi musulmonlari boshqarmasi matbuot xizmati xabar qildi.
Masjidning ochilish marosimida Tatariston muftiysi Komil Samigullin qatnashdi va u yerda ilk namoz ado etildi.
"Chali Yar” masjidi jismoniy nuqsonlarga ega bo‘lgan dindorlar uchun ham moslashtirilgan. Masjidning umumiy maydoni 450 kvadrat metrni tashkil qiladi, bir nechta o‘quv xonalari va tadbirlarni o‘tkazish uchun alohida zalni o‘z ichiga oladi", - deyilgan xabarda.
Masjid binosi 200 kishiga mo‘ljallangan. U Rossiyada zamonaviy uslubda qurilgan ibodatxonalaridan biri hisoblanadi.
"Ob’ekt nooddiy me’moriy ko‘rinishi bilan ajralib turadi - binoning fasadi va ichki qismini bezashda uslubga mos elementlar mavjud", - deb ta’kidladi diniy idora vakili.
Eron zarbasi katta zarar yetkazmadi, lekin...
Putin va Ilhom Aliyev temir yo‘l sohasi faxriylari va xodimlari bilan uchrashuv o‘tkazdi
Iqtisodiy jihatdan Moldova faqat Rossiya bilan hamkorlikda rivojlana oladi
