Rossiyada Human Rights Watch xalqaro inson huquqlari tashkilotini “istalmagan tashkilot” deb e’lon qilindi

Xabar berilishicha, Rossiya Adliya vazirligi xalqaro tashkilotni tegishli ro‘yxatga kiritgan.

2022 yilda Rossiya “Ukraina urushi haqida haqiqatga to‘g‘ri kelmaydigan ma’lumotlar joylashtirish” ayblovi bilan Human Rights Watch (HRW) saytini bloklangan edi. 2025 yilda tashkilot hisobotida Rossiya hukumati o‘zgacha fikrga ega bo‘lgan fuqarolarga nisbatan repressiyalarni kuchaytirayotgani, fuqarolardan urushni qo‘llab-quvvatlashni talab qilayotgani qayd etilgan.

Rossiya hukumati tomonidan “istalmagan tashkilot” deb e’lon qilingan tuzilmalarning mamlakat hudududa faoliyat yuritishi taqiqlanadi va ular bilan hamkorlik qilganlik uchun jinoiy javobgarlik belgilangan.

Human Rights Watch — dunyodagi eng yirik huquqni himoya qilish tashkilotlaridan biri bo‘lib, 1978 yildan beri faoliyat yuritadi va 70 dan ortiq mamlakatlarda inson huquqlari buzilishini monitoring qiladi.