2 dekabr kuni o‘zbekistonlik ikki yoshli bola ertalab soat 6 larda Sankt-Peterburgdagi shifoxonaga yetkazildi. Rossiya OAV xabarlariga ko‘ra, ona bolani e’tiborsiz qoldirgan va u pol yuvadigan vosita bilan zaharlangan.
Shifokorlar bolaga o‘tkir yallig‘lanish va qizilo‘ngachning kimyoviy kuyishi tashxisini qo‘yishdi. Uning ahvoli og‘ir.
Tekshiruv paytida chaqaloqning oilasi Rossiyaga O‘zbekistondan 6 noyabr kuni kelganligi aniqlandi. Sankt-Peterburgda ro‘yxatdan o‘tmagan. Bolaning onasiga nisbatan ota-ona majburiyatlarini bajarmaganlik to‘g‘risida ma’muriy bayonnoma tuzildi. Ayol jarimaga tortiladi.