Rossiya vaksinasidan foydalanishga tayyor mamlakat nomi ma’lum bo‘ldi

Rossiyaning Venesueladagi elchisi Sergey Melik-Bagdasarov respublika hukumati fuqarolarda sinovdan o‘tkazish uchun Rossiyaning  koronavirus vaksinasidan foydalanishga tayyorligini bildirdi, deb xabar beradi “TASS”.

Shuningdek, u vaksinani Venesuelaga yetkazib berishning sanasi aniq emasligini ta’kidladi.

"Afsuski, Amerika Qo‘shma Shtatlari va bir qator G‘arb davlatlari tomonidan Karakasga nisbatan bir tomonlama cheklov choralari ko‘rilgani xalqaro qonunlarga zid bo‘lib, Venesuela hukumatining, pandemiyaga qaramay, mamlakat aholisini asosiy ehtiyojlar bilan ta’minlashiga to‘sqinlik qilmoqda", deya tushuntirdi u.