Rossiya Tog‘li Qorabog‘dagi mojaro tufayli Erdo‘g‘anga zarba berdi

Rossiya Tog‘li Qorabog‘dagi mojaro tufayli Turkiyaga zarba berdi. 

Kecha bir kun oldin «Voyenkori Russkoy Vesni» telegram kanalida Rossiya aerokosmik kuchlari Suriyadagi jangarilarning Qorabog‘ga jo‘natilishi sababli Idlibdagi terrorchilarning o‘quv lagerlarini qidirishni va yo‘q qilishni boshlagani, ya’ni ular Kafer Dibbin qishlog‘i yaqinidagi katta o‘quv lageri ob’ektlariga hujum qilgani haqida xabar berilgan edi.

Razvedka lagerning joylashgan joyi to‘g‘risida ma’lumotni jangarilardan haq evaziga olgan. U yerda turkiyalik instruktorlar va xususiy harbiy kompaniyalar xodimlari yuzlab jangarilarni tayyorlashgan. Jisr esh-Shugur shahri hududida frontni ushlab turish uchun qurolli oppozisiya va terroristik guruhlar kuchlarini birlashtirish maqsadida turk harbiy maslahatchilari Idlibga kelishgan.

“Xo‘sh, Rossiya Arsaxdagi mojaro tomonida qoldi deb kim aytdi? Ha, urushda ba’zida umuman boshqacha qoidalar ishlaydi, ammo ular ishlaydi. Erdo‘g‘anga qarshi Idlibdagi hujum Qorabog‘ jabhasidagi har qanday yo‘qotishlardan ko‘ra achinarliroq qabul qilinmoqda", – deyiladi manbada.

Bir muncha vaqt oldin, Suriya prezidenti Bashar al-Assad Turkiya prezidenti Rajab Toyyib Erdo‘g‘anni Qorabog‘dagi mojaroning yangi avj oldiruvchisi va tashabbuskori deb atagan va uni jangarilarni Suriyadan u yerga ko‘chirishda ayblagan. Keyinchalik, Rossiya tashqi razvedka xizmati rahbari Sergey Narishkin buni tasdiqlovchi razvedka ma’lumotlari borligini e’lon qildi.