"Real" futbolchisi JCH-2026 uchun ketishi mumkin

Madridning "Real" klubi hujumchisi Endrik vaziyatni vaqtincha o‘zgartirish haqida jiddiy o‘ylamoqda.

19 yoshli futbolchi sentyabr oyidan beri sog‘lom, biroq hamon Xabi Alonso jamoasida o‘yin amaliyotiga ega emas. Jurnalist Alvaro Esteban ma’lumotiga ko‘ra, braziliyalik futbolchi "Real"da unga ishonch yo‘qligiga ishonch hosil qilsa, yanvar oyidayoq ijaraga ketishni so‘rashi mumkin. Hujumchining maqsadi - Braziliya terma jamoasi tarkibida bo‘lajak jahon chempionatiga borish.

O‘tgan yozda Endrikning transferiga Germaniyaning "RB Leypsig" klubi qiziqish bildirgandi, shuningdek, futbolchiga Angliya va Italiya klublari orasida ham talab bor edi. Transfermarkt portali "Palmeyras" tarbiyalanuvchisining narxini 35 mln yevroga baholamoqda.