Ijtimoiy tarmoqlarda deputat Rasul Kusherbayevni o‘ldirib ketishgani haqida xabarlar tarqaldi. Deputat ushbu xabarni rad etdi.
"Bo‘layotgan havotirli qo‘ng‘iroqlarni inobatga olib, men bilan hammasi joyida ekanligi va hech kim jonimga qasd qilmaganligini ma’lum qilmoqchiman.
Umid qilamanki, bundan keyin ham hech kim bunday qilmaydi.
Fursatdan foydalanib, asossiz havotirlarning oldini olish maqsadida barcha blogerlardan axborot tayyorlash va tarqatishda axborotning mazmuni, matni va tasvirlari bir biriga mos bo‘lishiga e’tibor qaratishlarini so‘rab qolardim.
Noqulaylik va havotirlar uchun uzr so‘rayman!", deb yozdi deputat telegramdagi sahifasida.