Rasmiy xabar: So‘mdagi nollar o‘chirilmaydi!

Biroz avval milliy valyutamiz hisoblangan so‘mdagi 4ta nolning o‘chirilishi mumkinligi to‘g‘risidagi mish-mishlar to‘g‘risida xabar bergan edik. Mazkur ma’lumot Markaziy bank raisi tomonidan rad etildi. Bu haqda Huquqiy axborot kanali xabar berdi.

"Denominasiya oddiygina nollarni o‘chirish emas, katta iqtisodiy xarajat, deydi Mamarizo Nurmuratov. - Biz denominasiya qilmoqchi emasmiz. Markaziy bank raisi sifatida aytmoqchiman, denominasiya hech kimning hayolida yo‘q. 

Denominasiya iqtisodiy barqarorlik va kuchli inflyasiya sharoitida o‘tkaziladi.  Bizda ahvol unday emas".