O‘zPFL Superligada yil laureatlarini aniqlamoqda.
Liga rasmiy telegram-kanali xabariga ko‘ra, Farg‘onaning "Neftchi" klubi bilan chempionat g‘olibiga aylangan Vitaliy Levchenko Superligada mavsumning eng yaxshi murabbiyi bo‘ldi. U yakuniy uchlikda Kamoliddin Tojiyev va Vadim Abramovni ortda qoldirdi.
Bugun, 1 dekabr kuni 53 yoshli mutaxassis "Neftchi" bilan xayrlashdi. Uning amaldagi shartnomasi uzaytirilmadi.