Moskvaning "Lokomotiv" klubida faoliyat olib borayotgan Ralf Rangnik "Manchester Yunayted" bilan kelishuvga erishdi.
Germaniyada "cho‘qintirgan ota" laqabini olgan 63 yoshli mutaxassis MYu boshqaruviga keladi. Kelishuvga asosan u may so‘ngigacha menejerlik qiladi.
Keyinchalik yana 2 yillik maslahatchi sifatida faoliyat yuritadi.
Rangnik Germaniya klublaridagi faoliyati orqali muxlislarga yaxshi tanish. Ayniqsa, u "Leypsig"ni Bundesligaga olib chiqqani ortidan mashhurlikka erishgan.
Ma’lumotlarga ko‘ra, uning mehnat vizasi rasmiylashtirilmagani tufayli yakshanba kuni "Chelsi"ga qarshi o‘yinda jamoaga yordam berolmaydi.