Quddusda isroillik askar falastinliklarga o‘t ochdi: bir kishi yaralandi

Quddusning janubidagi harbiy nazorat punktida Isroil askari falastinliklarga o‘t ochishi natijasida bir nafar falastinlik yaralandi.

Hodisa isroillik xavfsizlik kuchlari bir necha soat avval Janin shahrida ikki falastinlikni otib o‘ldirganidan keyin ro‘y berdi.

Polisiya ma’lumotiga ko‘ra, askarlar shaharga kirish ruxsati bo‘lmagan falastinliklarni ushlash bo‘yicha operasiya o‘tkazayotgan paytda yonidan jamoat transporti avtobuci o‘tib ketgan. Avtobusdagi askarlardan biri vaziyatni “xavfsizlik hodisasi” deb noto‘g‘ri baholab, transportdan tushib falastinliklarga o‘t ochgan.

Bir falastinlik og‘ir ahvolda yaralangani ma’lum qilindi. Isroil xavfsizlik kuchlari orasida qurbonlar yo‘q.

Bundan biroz avval Janin qochqinlar lageri yaqinida Isroil askarlari qo‘llarini ko‘targan holda turgan ikki falastinlikni o‘ldirgani xabar qilingan edi.