Qozog‘iston janubidagi Jambil viloyatida to‘rt kishi kuydirgi infeksiyasi bilan kasalxonaga yotqizildi. Bu haqda KTKga asoslanib Qalampir nashri xabar bermoqda.
Ekspertlar kasallarning tanasidagi xarakterli toshmalarga qarab, ular chorva mollarini so‘yishda yoki hayvonlarni davolashda ishtirok etgan degan qarorga kelishdi.
“Shakpak qishlog‘idagi cho‘ponlar bitta dehqon xo‘jalikda ishlaydi. Ulardan shikoyatlar kelib tushdi”, deydi viloyat yuqumli kasalliklar kasalxonasi shifokori Gulfayra Mirzabekova.
Shifokorga ko‘ra, davolash kamida 20 kun davom etadi. Yana 44 kishi, shu jumladan kasallarning qarindoshlari, hamkasblari va tuman veterinarlari bir hafta davomida shifokorlar tomonidan kuzatiladi.
Biroq viloyat rasmiylari odamlarning chorva mollaridan kuydirgi kasalligini yuqtirganini tasdiqlamadi va shu bois qishloqda karantin joriy qilmoqchi emas.
“Tekshiruv hayvonlarda kuydirgi kasalligi borligini rad etdi. Hayvonlar yuqumli bo‘lmagan kasalliklar natijasida nobud bo‘lgan”, deydi Jambil viloyati hokimligi veterinariya bo‘limi boshlig‘i Kanatbek Kartabayev.
Rossiya hukumati bunga rozi bo‘ldi
Putin va Ilhom Aliyev temir yo‘l sohasi faxriylari va xodimlari bilan uchrashuv o‘tkazdi
Iqtisodiy jihatdan Moldova faqat Rossiya bilan hamkorlikda rivojlana oladi
