Qoraqalpog‘iston Respublikasi, Amudaryo tumanida yuz bergan yo‘l-transport hodisasi natijasida ikki nafar yosh bola halok bo‘ldi. Bu haqda Davlat yo‘l harakati xavfsizligi xizmati xabar bermoqda.
Ma’lum bo‘lishicha, hodisa 13 avgust kuni Amudaryo tumani hududidan o‘tuvchi 4R 181 avtomobil yo‘lining 2-kilometrida sodir bo‘lgan. “Neksiya-2” mashinasi haydovchisi (1986 y.t.) mast holda, yuqori tezlikda avtomobilni boshqarib ketayotib, ushbu yo‘nalishda harakatlanib ketayotgan velosiped haydovchisini urib yuborgan. Natijada velosipedchi 2009 y.t. R.G. va velosiped yo‘lovchisi 2010 y.t. SH.N.lar og‘ir tan jarohatlari olib voqea joyida vafot etishgan.
Mazkur YTH yuzasidan Amudaryo tumani IIB TB tomonidan tergovga qadar surishtiruv ishlari olib borilmokda.