Putin Anatoliy Antonovning iste’foga chiqishi haqidagi farmonni imzoladi

Vladimir Putin Rossiyaning AQShdagi elchisi Anatoliy Antonovning iste’foga chiqishi haqidagi farmonni imzoladi.

U, shuningdek, Rossiyaning Vashingtondagi Amerika Davlatlari Tashkilotidagi doimiy kuzatuvchisi lavozimidan ozod etildi.

Antonov allaqachon Rossiyaga qaytgan. Rossiyaning AQShdagi yangi elchisi hali tayinlanmagan.

Antonov 69 yoshda. U 2017 yildan buyon Rossiyaning AQShdagi elchixonasini boshqarib keladi. Ommaviy axborot vositalari iyul oyi boshida uning yaqin kelajakda elchi sifatidagi faoliyatini tugatishi mumkinligi haqida xabar bergan edi.

Antonov AQSh va Rossiya o‘rtasidagi keskin munosabatlar fonida diplomatik missiyani boshqargan. 2017 yilda AQSh Rossiyaning San-Frantsiskodagi bosh konsulligini yopgan edi. 2018 yilda Siyetldagi konsullik o‘z faoliyatini to‘xtatdi. Rossiya diplomatik vakolatxonalari faoliyatiga cheklovlar, jumladan, Moskvaning 2016 yilgi Amerika prezidentlik saylovlariga respublikachi Donald Tramp tarafidan aralashuvi gumonlari tufayli kiritilgan.

Antonov Rossiyaning Ukraina hududiga bostirib kirishini qo‘llab-quvvatlagani uchun xalqaro sanksiyalar ostida.