O‘zbekiston Respublikasi Markaziy saylov komissiyasi, Prezident Administrasiyasi huzuridagi Axborot va ommaviy kommunikasiyalar agentligi, Birlashgan millatlar tashkiloti Taraqqiyot dasturining xalqaro ekspertlari hamkorligida “ZOOM” dasturi orqali Prezident saylovini yoritishga biriktirilgan Jizzax viloyatidagi ommaviy axborot vositalari jurnalistlari uchun ikki kunlik o‘quv seminar-trening tashkil etildi.
Joriy yilda o‘tishi rejalashtirilgan Prezident saylovini yorituvchi jurnalistlar malakasini oshirish maqsadida o‘tkazilgan ushbu o‘quvning dastlabki kunida yuqori toifali trenerlar tomonidan milliy saylov qonunchiligiga va amaliyotiga xalqaro standartlar va tavsiyalarni joriy qilish, saylov jarayonlarini ommaviy axborot vositalarida yoritishda xalqaro standart va xalqaro tajribalar, saylov qonunchiligini buzganlik uchun javobgarlik, saylovoldi “Sukut kuni” javobgarlik masalalari va saylov kampaniyasini elektron nashrlarda yoritishdagi muammolar kabi mavzularda ma’ruzalar tinglandi.
Mavzuga oid taqdimotlar o‘tkazilib, ishtirokchilar o‘rtasida amaliy mashg‘ulotlar tashkil etildi.
O‘quv seminar-treningning ikkinchi kunida saylov davrida gender tenglik masalalari, nogironlarning saylovda ishtirok etishi bilan bog‘liq muammolar atroflicha muhokama qilindi.
O‘quv davomida Prezident saylovini yoritish jarayonida OAV vakillari uchun zarur bo‘lgan muhim tavsiya va maslahatlar berildi.
“ZOOM” dasturi asosida o‘zaro erkin muloqot shaklida o‘tgan o‘quv seminar-trening ishtirokchilari tadbir nihoyasida o‘zlarini qiziqtirgan savollariga mutaxassislar tomonidan batafsil javoblar oldi.
Rossiya hukumati bunga rozi bo‘ldi
Iqtisodiy jihatdan Moldova faqat Rossiya bilan hamkorlikda rivojlana oladi
Rossiya qo‘shinlari Avdeevka shimoli-g‘arbidagi Ukraina frontini yorib o‘tdi
