Polshada YTHga uchragan o‘zbekistonlik og‘ir ahvolda kasalxonaga yotqizildi

YTHga uchragan o‘zbekistonlikning ahvoli og‘ir. U koma holatida intensiv terapiya bo‘limiga joylashtirilgan.

12 noyabr kuni Polshada O‘zbekiston fuqarosi YTHga uchradi. Bu haqida O‘zbekiston Tashqi ishlar vazirligi xabar qildi.

“Fuqaro o‘.B. ko‘p sonli jarohatlar bilan Poznan shahri kasalxonasiga yotqizilgan. Uning holati og‘ir deb baholanmoqda va u koma holatida intensiv terapiya bo‘limiga joylashtirilgan”, deyiladi xabarda.

Ta’kidlanishicha, elchixona vaziyatni nazoratga olgan va Polsha vakolatli organlari bilan doimiy aloqada bo‘lib turibdi. Poznan shahri politsiya boshqarmasi tomonidan tekshiruv ishlari olib borilmoqda.