Pentagon rahbari AQSh Milliy gvardiyasi askarlarining o‘limi haqidagi xabarlarni rad etdi

Oq uy yaqinidagi otishmada yaralangan AQSh Milliy gvardiyasining ikki askarining ahvoli og‘ir.

Bu haqda mudofaa vaziri Pit Xegset brifing chog‘ida ma’lum qilgan.

Pentagon rahbari voqea tufayli Vashingtonga qo‘shimcha 500 nafar Milliy gvardiya askari yuborilishini ham ma’lum qildi.

G‘arbiy Virjiniya gubernatori Patrik Morrissi avvalroq yaralangan askarlarning o‘limi haqida ma’lum qilgan edi. FQB direktori Kesh Patel ham Milliy gvardiya askarlarining ahvoli og‘irligini tasdiqladi va uning agentligi tergovga rahbarlik qilishini aytdi.