Koronavirus pandemiyasiga qarshi kurashga o‘zining saxovatli ishi bilan Otabek Shukurov ham qo‘shildi.
O‘zbekiston milliy jamoasi hamda "Sharja" klubi a’zosi Otabek Shukurov o‘zi tug‘ilib o‘sgan Qashqadaryo viloyati, Chiroqchi tumanidagi kam ta’minlangan oilalarga yordam qo‘lini cho‘zishga bel bog‘ladi.
Futbolchi 100 million so‘mga yaqin mahsulotlarni (kartoshka, go‘sht, piyoz, un-yog‘ va hokazo) xarid qilgan va uni muhtoj oilalarga tarqatdi.