Orban Yevroittifoqning Ukrainani qo‘llab-quvvatlashni o‘z ichiga olgan mudofaa rejasiga qarshi Vengriya fuqarolari orasida imzo to‘plashini e’lon qildi

Vengriya bosh vaziri bu haqda Facebook'dagi sahifasida ma’lum qildi.

"Bizni “qaynoq kuz” kutmoqda. Yevropa tez sur’atlarda urush tomon harakatlanmoqda. Bir necha hafta oldin Kopengagenda Bryusselning harbiy rejasi taqdim etildi. Unga ko‘ra, Yevropa to‘laydi, ukrainaliklar jang qiladi, Rossiya esa holdan toyadi", — deb yozdi Viktor Orban.

Evropa Ittifoqi yetakchilarining Kopengagenda bo‘lib o‘tgan sammitida asosiy mavzu YEIni Rossiya tomonidan yuzaga kelayotgan xavflardan himoya qilish bo‘lgandi. Ushbu sammitda, shuningdek, Yevropani himoya qilish uchun “dronlar devori” yaratish va havo makonini birgalikda kuzatish tizimini yo‘lga qo‘yish masalalari muhokama qilingandi.