Livan matbuoti yozishicha, Isroil uchinchi davlatdan raketa uchirishda Hamas siyosiy byurosi rahbari Ismoil Haniyani o‘ldirgan. Mahalliy manbalarning xabar berishicha, raketa «Eron hududidan emas», «boshqa davlatdan» uchirilgan.
Eron ommaviy axborot vositalarining xabar berishicha, HAMAS yetakchisi Tehron shimolidagi manziliga kelib tushgan «boshqariladigan uchar snaryad»dan halok bo‘lgan. Saudiyaning Al Hadath telekanali Ismoil Haniya Eron inqilob gvardiyasining maxsus qo‘riqlanadigan qarorgohlaridan birida bo‘lganini ta’kidladi.
❕ Eron agentliklarining xabarlariga ko‘ra, Haniya tunab qolgan uyga hujum mahalliy vaqt bilan soat 02:00 atrofida sodir bo‘lgan. HAMAS yetakchisidan tashqari uning qo‘riqchilari ham halok bo‘lgan.
