Nikolayev rasmiylarining xabar berishicha, juma kuni kechqurun rus qo‘shinlari shaharga raketa hujumi uyushtirgan, buning natijasida to‘qqiz qavatli turar-joy binosi vayron bo‘lgan, vayronalar ostida odamlar bo‘lishi mumkin.
Nikolayev viloyati ma’muriyati rahbari Vitaliy Kim shahar hududida yettita portlash ovozi yangraganini, ulardan kamida ikkitasi shahar chegarasidan tashqarida bo‘lganini ma’lum qildi. Uning so‘zlariga ko‘ra, ikkita raketa turar-joy hududiga, ulardan biri to‘qqiz qavatli binoga kelib tushgan.