Oldinroq O‘zbekistonda koronavirusga chalinganlar soni 29 taga ko‘paygani haqida xabar bergandik.
Namangan viloyati hokimligi xabariga ko‘ra, bulardan 6 kishi namanganlik. Ya’ni Namanganda yana 6 ta koronavirus holati aniqlangan.
Yodingizda bo‘lsa, oldinroq Umraga borib kelgan namanganlik ayol koronavirusga chalingan va onasiga yuqtirgandi. Onasi esa 72 yoshida surunkali kasalligi tufayli vafot etgandi.
Ma’lumotlarga ko‘ra, aynan shu namanganlik ayol singlisi, singlisining kelini, akasi, akasining xotini, jiyani va tibbiy patronaj hamshirasiga ham koronavirus yuqtirgan.