Hukumat qarori bilan “O‘zbekiston hududida foydalanilayotgan, sotish yoki shaxsiy foydalanish uchun olib kiriladigan va ishlab chiqariladigan mobil qurilmalarni ro‘yxatga olish tartibi to‘g‘risida”gi nizom tasdiqlandi.
Qarorga muvofiq, mobil qurilmalar:
- 2019 yil 1 noyabrgacha – ularni avtomatik tarzda mobil aloqa operatorlari tarmoqlariga ulash (aktivlashtirish) orqali bepul asosda;
- 2019 yil 1 noyabrdan – jismoniy shaxslar, import qiluvchilar va ishlab chiqaruvchi korxonalarning mobil qurilmalarni xalqaro o‘ziga xos identifikasiya kodlari bo‘yicha ro‘yxatga olish tizimiga murojaat qilishi orqali bepul.
Ammo 2019 yil 1 dekabrdan esa pulli asosda ro‘yxatga olinadi.
Nizomga ko‘ra, mobil qurilmalarni ro‘yxatga olish Tizim operatori yoki Tizim ro‘yxatga oluvchisiga murojaat bo‘yicha amalga oshiriladi.
Avval ro‘yxatga olingan mobil qurilmalar qayta ro‘yxatga olinmaydi.