Millionlab qalblarni o‘g‘irlagan aktyor 47 yoshida oltinchi marta ota bo‘ldi

Daily Mail xabariga ko‘ra, 47 yoshli britaniyalik aktyor Jud Lou oltinchi marta ota bo‘lgan.

Ma’lumotlarga qaraganda, fotomuxbirlar bahorda Londonda sayr qilish paytida aktyorni va uning homilador rafiqasi Filippa Koanni suratga olishga muvaffaq bo‘lgan.

Ammo bir necha kun oldin niqobda ko‘chaga chiqqan 33 yoshli Filippada homiladorlik alomatlari ko‘rinmagan.

Bundan xulosa qilish mumkinki, Koan allaqachon farzandini dunyoga keltirgan.

Ammo rasmiy ravishda chaqaloqning dunyoga kelganligi haqidagi xabar hali tasdiqlanmadi.