Marca nashrining xabar berishicha, Yevropa chempioni-2024 Ispaniya va Amerika Kubogi g‘olibi-2024 Argentina terma jamoalari o‘rtasidagi “Finalissima–2026” bahsi 28 mart kuni Qatarda bo‘lib o‘tadi.
Manbaga ko‘ra, FIFA ushbu o‘yinni «Lusail Aykonik» stadionida tashkil etishni rejalashtirmoqda. Ilgariroq Mayami va Er-Riyod shaharlari ham ehtimoliy variant sifatida ko‘rib chiqilgan.
Eslatib o‘tamiz, ilk marotaba erkaklar o‘rtasidagi “Finalissima” 2022 yil iyun oyida o‘tkazilgan bo‘lib, o‘sha uchrashuvda Argentina Italiyani 3:0 hisobida mag‘lub etgan edi.
Evro–2024da Ispaniyaning yo‘li:
Ispaniya Italiya, Xorvatiya va Albaniya bilan bir guruhdan chiqdi. Pley-off bosqichida Gruziya, Germaniya va Fransiyani mag‘lub etdi, finalda esa Angliyani 2:1 hisobida yengdi.
Kopa Amerika–2024da Argentinaning yo‘li:
Argentina Kanada, Chili va Peru bilan bir guruhda bo‘lgan. Pley-offda Ekvador va Kanadani yengdi, finalda esa Kolumbiyani 1:0 hisobida mag‘lub etib, sovrindor bo‘ldi.
Yurgen Klopp "Real"ga qanday talablar qo‘ygani ma’lum bo‘ldi
«London Chess Classic». Nodirbek Abdusattorov ketma-ket oltinchi g‘alabaga erishdi va g‘oliblikka juda yaqin turibdi
Jahon chempionati-2026 mezboni O‘zbekistonga 50 ming dollar taklif qildi
