"Barselona" hujumchisi Lionel Messi Kataloniya klubini tark etishga qaror qilsa, "Manchester Siti" ga o‘tishi mumkin. Bu haqda Fox Sports nashrining argentinalik jurnalisti Kristian Martin xabar berdi.
Martin bu ma’lumotni Kataloniya va Angliyadagi manbalari tasdiqlaganini yozdi. «Barcha manfaatdor tomonlar bitim shartlaridan qoniqishadi», – dedi jurnalist.
Ma’lumot uchun, 3 iyul kuni Messi "Barselona" bilan yangi shartnoma bo‘yicha muzokaralarni to‘xtatdi. Ta’kidlanishicha, futbolchi klubdagi muhitdan charchagan.
Bungacha kataloniyaliklar bosh murabbiyi Kike Setyen futbolchilar ishonchini yo‘qotgani haqida xabar berilgandi. Uning klubdagi taqdiri Ispaniya chempionatidagi natijalarga ko‘ra ma’lum bo‘ladi. Ayni damda "Barselona" birinchi o‘rindagi "Real"dan 4 ochko ortda bormoqda.
Ukraina prezidenti Rossiya bilan muzokaralarga tayyor ekanini aytdi
Moskva Isroilning ehtimoliy hujumidan himoya qilish uchun Eronga zamonaviy qiruvchi va havo mudofaa tizimlarini topshirishi mumkin
AQShda Ukraina haqida kutilmagan bayonot berildi
