Voqea To‘raqo‘rg‘on tumanining Qatag‘on qishlog‘ida sodir bo‘ldi. Tungi soat ikkilar atrofida o‘zining “MAN” avtomashinasida borayotib boshqaruvni yo‘qotgan haydovchi A.X. katta yo‘l yoqasida yashovchi Holmamat Qambarovning turarjoy binosiga kirib ketadi. Hayriyatki, xonadon egalari shu kuni qarindoshinikida mehmonda bo‘lganligi sababli hech kimga shikast yetmadi.
Tabiiyki, xushyorlikni yo‘qotgan haydovchiga H. Qambarovning jiddiygina shikast yetgan uyini tiklab berishga to‘g‘ri keldi. Bugun xonadon a’zolari bekamu-ko‘st ta’mirdan chiqarilgan binoda hayot kechirishmoqda.
Qudratilla NAJMIDDINOV.
“Xalq so‘zi”