Mag‘lubiyatsiz odimlayotgan prof bokschimizning keyingi jangi kamar uchun bo‘ladi

O‘zbekistonlik charm qo‘lqop ustasi Sirochbek Ismoilovning navbatdagi jangi tafsilotlari ma’lum.

Boxrec portalida keltirilishicha, 24 yashar hamyurtimiz 25 oktyabr kuni Koreya Respublikasining Seul shahrida tashkil etiladigan prof boks oqshomi doirasida ringga chiqadi. Unga o‘sha kuni mezbon yurt vakili Jung Min Xo raqib bo‘ladi. Jang yengil vazn toifasidagi Oriental and Pacific Boxing Federation kamari uchun o‘tkaziladi.

Ma’lumot uchun, Andijonda tug‘ilgan Ismoilov hozirgacha 10 ta jang o‘tkazib, barchasida g‘alaba qozongan. 32 yoshli Jung Ming Xo hisobida esa 19 ta g‘alaba, 5 ta mag‘lubiyat va 2 ta durang bor.

Shuningdek, Seuldagi boks oqshomida yana bir vakilimiz — Shahzodbek Sharobiddinov (7-2-0) Filippin vakili Mark Entoni Geraldoga (40-14-3) qarshi bahs olib boradi.