Braziliya prezidenti Luis Inasiu Lula da Silva AQSh prezidenti Donald Tramp bilan telefon orqali muloqoti chog‘ida Braziliya tovarlariga 40 foizlik bojdan voz kechishni so‘radi.
Bu haqda Braziliya hukumati ma’lum qildi.
"Braziliya prezidenti suhbatni 2019 yilda ikki yirik G‘arb demokratiyasi o‘rtasida mavjud bo‘lgan do‘stona munosabatlarni tiklash imkoniyati sifatida baholadi. U Braziliya AQSh bilan tovar va xizmatlar savdosida ijobiy saldoga ega bo‘lgan uchta G20 davlatidan biri ekanligini eslatdi. Lula da Silva shuningdek, Braziliya tovarlariga nisbatan 40 foizlik bojdan voz kechishni va Braziliya tovarlariga nisbatan cheklov choralarini bekor qilishni so‘radi".
Tramp Davlat kotibi Marko Rubioga Braziliya vise-prezidenti Jerald Alkmin, tashqi ishlar vaziri Mauro Viyeyra va moliya vaziri Fernando Xaddad bilan bu borada muzokaralar o‘tkazishni buyurdi.
Ikki davlat rahbarlari yaqin kelajakda shaxsan uchrashishga kelishib oldilar va Malayziyadagi ASEAN sammitida uchrashish imkoniyati, Trampning Belendagi COP30dagi ishtiroki va Lula da Silvaning AQShga tashrifi kabi masalalarni muhokama qildilar.
Kelayotgan hafta O‘zbekistonda sovuq havo kutilmoqda
Rossiya Sibir daryolari suvini Markaziy Osiyo bilan bo‘lishmaydi — olimlar fikri
Moskva sudi faqat O‘zbekiston va Qirg‘iziston fuqarolari ishga olinishi ko‘rsatilgan e’lonlarni taqiqladi
