***
Nashavand ko‘p qavatli uyning uchinchi qavat derazasida o‘tirib kayf surardi. Kutilmaganda pastga qulab tushdi. Atrofiga tumonot odam to‘plandi. Shunda qayerdandir boshqa bir nashavand paydo bo‘ldi-da, unga yaqin kelib so‘radi:
— Nima bo‘layapti o‘zi bu yerda?
— Bilmadim, men ham hozirgina tushdim.
***
Piyonista g‘irt mast holda o‘tirib pista chaqardi. To‘satdan qo‘lidan bir dona pista yerga tushib ketdi.
Piyonista:
— Qani, tez buyoqqa kel!
Pista yotaverdi.
— Kel dedim tez!
Javob bo‘lmagach, qo‘lidagi bir hovuch pistalarni yerga tashladi-da, dedi:
— Qani, anavi quloqsizni tez buyoqqa olib kelinglar-chi!
***
Nashavand ko‘zguga tikilib o‘ziga o‘zi dedi:
— Bu yerda men!.. Bu yerda ham men!
Shu payt eshik taqilladi.
Nashavand:
— Kim u?
Tashqaridan ovoz keldi:
— Men!
—IYE, uyoqdayam men ekanman!
***
— Eshitdingmi, Toshmat chekishni tashlabdi!
— Yo‘g‘-e, ishonmayman!
— Ishonaver, oxirgi sigaretini yoqilg‘i quyish shohobchasida chekib tashlaganmish.
***
Nashavand svetoforning qizil chirog‘idan o‘tmoqchi bo‘lgandi, milisioner uni to‘xtatib dedi:
— Qayerga ketayapsan? Ko‘rmayapsanmi, qizil chiroq yonib turibdi?!.
Nashavand:
— Unda o‘chirib qo‘y!
***
Tajribali va endigina o‘rgangan nashavandlar qoradori tayyorlashardi. Endigina o‘rgangani dedi:
— Mabodo mana shuning hammasini yeb tashlasam, nima bo‘ladi?
— Burning qonaydi.
— Nega?
— Chunki, mana shu tovoq bilan burningni sindiraman.
***
Milisioner hayvonot bog‘ida yursa, nashavand kayf qilib yuribdi. Shartta qo‘liga kishan solib bo‘limga olib ketishga chog‘landi.
Nashavand:
— Qaysi gunohim uchun meni olib ketmoqchisiz?
— Sen nasha chekib olgansan.
— Chekkanim yo‘q. Ishonmasangiz, tekshirib ko‘ring!
Milisioner uni quyon yotgan qafasga olib kelib so‘radi:
— Nima yotibdi?
— Quyon.
Milisioner kenguru yotgan qafasga olib borib so‘radi:
— Xo‘sh, bu yerda-chi?
— Bu yerdayam quyon.
— Qanaqa quyon, ahmoq?
— Qirq, ellik yoshlardagi quyon.
***
Ikki nashavand urushga ketishdi. Okop ichida yotaverib zerikishgach, biri oh tortib dedi:
— Chekishgayam imkon berishmaydi-ya! Hech bo‘lmasa, kontuziya bo‘lsak ham bir kayf qilib olarmidik...
***
Uchuvchi, tankchi va desantchi kimning kasbi zo‘rligi xususida bahslashishayapti.
Uchuvchi:
— Men samolyotimda aerodromga kelib qo‘nsam, xotinim uyda o‘tirib eshitadi. Uyga kelaman. Tushlik tayyor. Ovqatlanaman-u, ishga qaytaman.
Tankchi:
— Men ham shaharga tankimda kirib kelganimni xotinim eshitadi. Kelsam, stol tuzalgan, aroq tayyor. Yeb, ichib, ishga qaytaman.
Desantchi:
— Men parashyutdan uyimiz tomiga sakrayman va derazadan ichkariga kiraman... Hali biror yaramas qo‘limdan sog‘ qutulib ketmagan.