Koronavirusga qarshi dorining narxi juda qimmat! Arzonlashtirsa bo‘ladimi?

Koronavirusga qarshi Rossiya dorisining yuqori narxi butun dunyoda bunday dori-darmonlarga katta talab bilan izohlanadi, ammo bu dorilar samaradorligini isbotlash va ularning nazoratsiz tarqatilishiga yo‘l qo‘ymaslik kerak. Bu haqda "Komsomolskaya pravda" yozmoqda.

"Areplivir"ni ishlab chiqaradigan "Farmomed" farmasevtika kompaniyasi ishlab chiqaruvchisi "Promomed"ning bosh direktori Andrey Mladensevning so‘zlariga ko‘ra, narxni arzonlashtirishning iloji yo‘q.

«Ushbu narx u yoki bu tarzda tibbiy muassasaga yetkazib berish narxi bilan bog‘liq. Biz byudjet va chakana savdo uchun ikki xil narx qo‘ya olmaymiz, shuning uchun bu aslida shakllangan narx», – deya ta’kidladi u.

Farmasevtika bozori mutaxassisi Nikolay Bespalov xalqaro vaziyat va epidemiologik xolatni hisobga olgan holda preparat juda arzon bo‘lishi mumkin emasligini qo‘shimcha qildi. Shu bilan birga, u dorilarni nazoratsiz ishlatish muammosi haqida gapirdi.

«Uni faqat kasalxonalarda buyurish shart emas, lekin shifokor albatta resept yozishi kerak. Menimcha, bemor o‘z xohishiga ko‘ra ushbu preparatni sotib ololmasligi va ishlatmasligi lozim», – dedi mutaxassis.

Virusolog, tibbiyot fanlari doktori Anatoliy Altshteyn o‘z navbatida, dori samaradorligini isbotlash zarurligiga e’tibor qaratdi. U Yaponiyada o‘tkazilgan tadqiqotlar "Favipiravir"ning samaradorligini tasdiqlamaganligini va ushbu dori-darmonni ikki marta ko‘r-ko‘rona o‘rganish bo‘yicha hisobot yo‘qligini ta’kidladi.

Avvalroq, Rossiya Sog‘liqni saqlash vazirligi "Favipiravir" koronavirusga qarshi preparatni hayotiy zarur dorilar ro‘yxatiga kiritishga qaror qilgan edi. Dorilar dorixonalarda "Koronavir" va "Areplivir" savdo nomlari ostida sotiladi. 50 donadan iborat "Koronavir"ning bitta to‘plami kamida 11 550 rublni, 40 donadan iborat "Areplivir" to‘plami esa ruslar uchun 12 320 rublni tashkil qiladi.