Braziliyada o‘tgan 24 soat ichida 1 500 nafar inson infeksiyadan vafot etdi va 28 ming inson virus yuqtirgani aniqlangan. Bir kun avval 1 262 nafar inson virus tufayli hayotdan ko‘z yumgan edi. Bu haqida mamlakat Sog‘liqni saqlash vazirligi xabar bergan.
Jon Xopkins universiteti ma’lumotiga ko‘ra, Braziliya bugungi kunda virus yuqish darajasi bo‘yicha ikkinchi, o‘lim holati bo‘yicha to‘rtinchi o‘rinda qayd etilmoqda.
Sog‘liqni saqlash vazirligi hisobotiga ko‘ra, Braziliyada jami 615 mingdan ortiq kishi virus yuqtirgan. Ulardan 274 mingdan ortig‘i tuzalgan bo‘lib, 34 039 kishi vafot etgan.
306 834 kishi ayni damda kasalxonalarda davolanmoqda.