Kolejga o‘qishga kiritishni va’da qilgan direktor o‘rinbosari ushlandi

Bosh prokuratura huzuridagi Departamentning Uzun tuman bo‘limi va tuman prokuraturasi xodimlari bilan hamkorlikda o‘tkazilgan tezkor tadbirda Sariosiyo tumani Agrosanoat kasb-hunar kolleji direktori o‘rinbosari I.M. ushbu kollejga o‘qishga joylashtirish hamda kelgusida tanishlari orqali tumandagi Pedagogika kasb-hunar kollejiga o‘qishni ko‘chirtirib berish evaziga fuqaro N.N.dan 8 mln. 700 ming so‘m pullarni olgan vaqtida ashyoviy dalillar bilan ushlangan.

Mazkur holat yuzasidan I.M.ga nisbatan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.