Kiyev tinchlik muzokaralariga tayyor: Umerov boshchiligidagi delegasiya shakllantirildi

Tinchlik muzokaralarida Ukraina delegasiyasiga Umerov rahbarlik qiladi.

Bu haqdagi farmonni mamlakat prezidenti Vladimir Zelenskiy imzoladi.

Ukraina Milliy xavfsizlik va mudofaa kengashi kotibi Rustem Umerov bu lavozimda korrupsiya mojarosi ortidan iste’foga chiqqan prezident devonining sobiq rahbari Andrey Yermakning o‘rnini egalladi.

Farmonga ko‘ra, delegasiya tarkibiga yana sakkiz kishi kiritilgan. Ular orasida Mudofaa vazirligi Bosh razvedka boshqarmasi (GUR) rahbari Kirill Budanov, Ukraina Qurolli kuchlari Bosh shtabi boshlig‘i Andrey Gnatov va boshqa yuqori lavozimli amaldorlar bor.

Delegasiyaga AQSH, Rossiya va Ukraina boshqa xalqaro hamkorlari bilan “adolatli va barqaror tinchlikka” erishish maqsadida muzokaralar olib borish topshirilgan.