Karantin! Samarqanddagi dehqon bozori faoliyati vaqtinchalik to‘xtatiladi

Samarqand viloyati Pastdarg‘om tumani aholisining sanitariya-epidemiologik osoyishtaligi va xavfsizligini ta’minlash, fuqarolarning hayoti va sog‘lig‘ini himoya qilish hamda koronavirus infeksiyasining tuman hududi bo‘ylab tarqalishining oldini olish maqsadida tuman hokimi SH.Xudayberdiyevning farmoyishiga bilan 14 may kuni soat 16:00 dan boshlab, Pastdarg‘om meva-sabzavot MCHJ bozori faoliyati vaqtincha to‘xtatiladi.

Pastdarg‘om meva-sabzavot MCHJ bozori faoliyatining vaqtinchalik to‘xtatilishi munosabati bilan aholi yashash joylarida asosiy turdagi oziq-ovqat mahsulotlari savdosi tashkil etiladi, shuningdek, hududlarda oziq-ovqat mahsulotlari sotuvchi ko‘chma do‘konlar soni ko‘paytiriladi.