Karantin: 77 yoshli milliarder kimsasiz orolga qochdi

Amerikalik prodyuser va milliarder Devid Geffen hashamatli yaxtada o‘zini izolyasiya qilgani bilan maqtandi. U suratini instagramiga joyladi. Bu surat esa keyinroq tvitterda paydo bo‘ldi.

77 yoshli Geffen ijtimoiy tarmoqlarda dunyodagi eng katta xususiy yaxtada turgan fotosuratini joylashtirdi. "Grenadin orolida yolg‘iz. Umid qilamanki, barchasi xavfsiz”, deb izoh yozdi u.

Sharhlarda uni koronavirus pandemiyasi paytidagi o‘rinsiz maqtanchoqlik tufayli tanqid qilishdi. "Faqat Devid Geffen bizga qo‘l siltab qo‘ydi", "Oxir-oqibat, qaroqchilar endi uning qayerdaligini bilishadi", "Boylarning alohida imtiyozlari", qabilidagi fikrlar bildirildi.