JSST: “Yaqin orada koronavirusdan haftasiga 100 minglab odamlar vafot etishadi”

Dunyoda SARS-CoV-2 koronavirusi tufayli o‘lim soni yaqin orada haftasiga 100 ming kishiga yetadi.

Jahon sog‘liqni saqlash tashkilotining (JSST) favqulodda vaziyatlar bo‘yicha mutaxassisi Mayk Rayan bunga tayyor turishga chaqirdi, deya xabar bermoqda «Reuters» axborot agentligiga tayanib «sof.uz».

«Hozirgi kunda epidemiologik vaziyat o‘zgarib turibdi va turli mintaqalarda har xil kechmoqda», dedi u JSST boshqarma xodimlari yig‘ilishida.

“Uning ta’kidlashicha, Shimoliy va Janubiy Amerikada jami o‘lim holatlarining 47 foizi to‘g‘ri kelmoqda. Ularning soni o‘sishda davom etmoqda. Garchi yuqori darajada bo‘lsa ham, Yevropada o‘lim darajasi barqarorlashmoqda”, deya ma’lum qildi Rayan.