JSSTnin Xalqaro sog‘liqni saqlash qoidalarining favqulodda qo‘mitasi emlanganlar uchun pasportlar joriy etish masalasini ko‘rib chiqmoqda.
Bu haqda tashkilotning Yevropa bo‘yicha byurosi immunizasiya bo‘limining katta mutaxassisi Oleg Benesh ma’lum qildi.
"Koronavirus infeksiyasiga qarshi samarali va xavfsiz vaksinalar paydo bo‘lishi bilanoq JSST xalqaro sayohatchilarni emlash bilan bog‘liq muammolar va savollarni o‘rganishga kirishgan", dedi Benesh.
Uning so‘zlariga ko‘ra, Xalqaro sog‘liqni saqlash qoidalari qo‘mitasi emlash sertifikatidan foydalanishni tartibga soladi. Pasport masalasi ham qo‘mita kun tartibida turibdi.