Jiddadagi yig‘ilish ishtirokchilari Ukraina hududiy yaxlitligini qo‘llab-quvvatladi, deb yozadi The Financial Times. Nashr manbalarining qayd etishicha, bunday maslahatlashuvlarda ilk bor ishtirok etgan Xitoy kelishuv masalasida konstruktiv pozisiyani namoyish etgan.
Yana bir yevropalik diplomatning qo‘shimcha qilishicha, Xitoy navbatdagi shunday uchrashuvda ishtirok etishga tayyorligini bildirgan. Fransiyaning Le Point haftalik nashri avvalroq xabar berganidek, maslahatlashuvlar ishtirokchilari navbatdagi konferensiyani ham Global janubdagi mamlakatda o‘tkazishga qaror qilishdi.
Jiddadagi maslahatlashuvlarni sharhlar ekan, Germaniya tashqi ishlar vaziri Annalena Burbok Braziliya, Xitoy yoki Janubiy Afrikada Ukrainada sodir bo‘layotgan voqealarga qarash Yevropanikidan farq qilishini tan oldi.
