Joriy yilning 27 noyabr kuni Janubiy Koreyada kuchli qor yog‘ishi oqibatida ko‘plab reyslar bekor qilindi, paromlar harakati to‘xtatildi va kamida besh kishi halok bo‘ldi. Bu haqda “Reuters” xabar berdi.
Nashrga ko‘ra, 27 noyabr kuni ertalab mamlakat poytaxti Seulning ba’zi qismlarida 40 santimetrdan ortiq qalinlikda qor yog‘gan. Buning ortidan 140 dan ortiq reys bekor qilingan. Mahalliy OAV Kyongido viloyatida kamida besh kishi qor tufayli halok bo‘lgani haqida xabar bergan. Ulardan to‘rttasi qorning og‘irligidan qulab tushgan uylar ostida qolgan, biri esa muzlagan yo‘lda avtobusning sirpanib ketishi oqibatida avtohalokatda vafot etgan. Shu kuni polisiya Kanvon viloyatining Vonsu shahrida 53 ta avtomobil ishtirokida yuz bergan avariyada 11 kishi jarohat olganini ma’lum qilgan.
“Bugun ko‘p qor yog‘di. Juda sovuq va salqin, lekin issiq baliqli keki sho‘rvasini ichish yaxshi yordam beradi, meni isitadi”, deydi 73 yoshli aholi vakili Li Suk-ja.
Seulning asosiy aeroporti Inchxon eng ko‘p zarar ko‘rgan – yo‘lovchilar o‘rtacha ikki soatlik kechikishlarga duch kelgan. “Flightradar24” ma’lumotlariga ko‘ra, 27 noyabr kuni mamlakatda 31 foiz reyslar kechikkan va 16 foizi bekor qilingan. Rasmiylar taxminan 142 reysning bekor qilinganini, 76 ta parom yo‘nalishining to‘xtatilganini va ba’zi poyezdlarning kechikkanini ma’lum qilgan. Bundan tashqari, Kyongido viloyatida 1 285 dan ortiq maktablar, shu jumladan bog‘chalar yopilgan.
Rossiya rubli ham quladi
Nemislar bir narsani bilishadi
«Biz bolalarni yer yuzidagi do‘zaxda halok bo‘lishga hukm qilamiz”
