Hokim Ortiqxo‘jayev 22 iyun kuni Sayilgohda faqat ping-pong o‘ynagani yo‘q: o‘rinbosarlari bilan birga to‘p tepish o‘yinini ham o‘ynadi; o‘rinbosarlari bilan birga qo‘shiq ham kuyladi (aytishlaricha, o‘rinbosarlaridan biri Elbek Shukurov yomon kuylamasmish), boshqalar bilan bir navbatda turib muzqaymoqxo‘rlik ham qildi.
Xullas, kecha oqshom Sayilgohda bo‘lganlar uyga qiziq-qiziq taassurotlar bilan qaytgani aniq. Axir poytaxt hokimi xuddi sen kabi dam olayotgani, hordiq chiqarayotganini ham har kuni ham ko‘ravermaysan.
