Toshkent viloyatining Ohangaron hamda Navoiy viloyatining Zarafshon shahrida haydovchilik guvohnomasini olib berish bilan bog‘liq firibgarlik holatlari fosh etildi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Ma’lum qilinishicha, “Vatanparvar” tashkiloti Ohangaron shahar klubi o‘rgatuvchi ustasi F.X. fuqaro R.K.ga go‘yoki YHXBda ishlovchi tanishlari orqali haydovchilik guvohnomasini olib berishi evaziga 900 dollarni olgan vaqtida ushlangan.
Shuningdek, Zarafshon shahrida fuqaro I.I. fuqaro YU.P.ning ishonchiga kirib, unga tanishlari yordamida “V.” toifadagi haydovchilik guvohnomasini olib berishi evaziga 700 dollar va 2,3 mln so‘mni olgan vaqtida ushlangan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
O‘zbekistonda hafta boshida kutilayotgan ob-havo ma’lum qilindi
Isroilning Damashqdagi nishonlarga bergan zarbalari Mohir Asadning iltimosiga binoan amalga oshirilgan
Asad eng boy moskvalikka aylanishi mumkin
