Isroil G‘azo sektorida bosqinchilik va qirg‘inbarot urushini boshlaganiga 285 kun bo‘ldi. 24 soat davomida G‘azo sektori, Iordan daryosining G‘arbiy sohili hamda butun Yaqin Sharq hududida sodir bo‘lgan asosiy voqealar.
▪️Bosqinchilar Xon Yunisga, Nuseyrat lageriga va Bayt-Laxiyaga hujum qildi. 60 dan ortiq odam hayotdan ko‘z yumdi. Urush boshlanganidan buyon 38 713 kishi shahid bo‘ldi.
▪️G‘arbiy Sohilda ikki fuqaro yuk mashinasida Isroil askarlari Jeninga bostirib kirdi va u yerda Jenin batalyoni komandirlaridan biri Nur Shalabiyni hibsga oldi. Bu soatlarda fashistlar Qalqilya, Quddus va Xalilga ham bostirib kirishdi.
▪️Hizbulloh bosib olingan hududlarga 60 dan ortiq «Katyusha» raketalarini uchirdi. Temir gumbaz hujumga dosh bera olmadi va raketalarning bir qismi Merondagi aviabazaga yetib keldi.
▪️Husiylar Qizil dengizdagi Chios Lion neft tankeriga hujum qilishda kamikadze qayiqdan foydalandi.
▪️Bosqinchilar Livanning Aita ash-Shab va Al-Buston shaharlariga hujum qildi. Hujum oqibatida 3 nafar bola halok bo‘lgan.
▪️Wall Street Journal: Isroil Mavasi chodir lageriga hujum paytida har biri ming funt og‘irlikdagi 8 ta bomba ishlatgan.
▪️Oxirgi 10 kun ichida G‘azoda nasistlarning 6 ta boshpanaga uyushtirilgan hujumlari natijasida 100 kishi o‘lgan.
▪️JSST: Isroil G‘azo va G‘arbiy Sohildagi shifoxonalarga asossiz hujumlarini to‘xtatishi kerak. Isroilga ta’sir ko‘rsatadiganlar unga o‘z amaliyotlarini to‘xtatish uchun bosim o‘tkazishga majburdirlar.