Germaniya Federativ Respublikasi Xristian-demokratik ittifoq (XDI)ning sobiq rahbari, ayni dam mamlakat tashqi ishlar vaziri lavozimiga munosib ko‘rilayotgan Bundestagning amaldagi a’zosi Armin Lashet “n-tv” telekanaliga intervyu berdi.
Xususan, u kelajakda AQSh Germaniyani himoya qila olmasligini ta’kidlab, shunday vaziyatga tayyorgarlik ko‘rishga chaqirdi.
– Menimcha, transatlantik aloqalarni saqlab qolish to‘g‘ri, – degan siyosatchi. – Shu bilan birga, biz hozir yuzaga kelmaydi, deb umid qilayotgan holatga tayyorgarlik ko‘rishimiz kerak – amerikaliklar qachondir bizni himoya qila olmay qoladi.
Berlin Kiyevga “Taurus” raketalari yetkazib berilishi kerakligi haqida gapirarkan, Lashet “Germaniyani urushga tortmaydigan” har qanday variantni ko‘rib chiqish zarurligini ta’kidlagan.
23 fevral, ya’ni Bundestag saylovi kuni XDI yetakchisi Fridrix Mers Germaniya AQShdan mustaqil bo‘lishiga erishish mamlakat siyosatida “mutlaq ustuvorlik” kasb etishini aytgan. Shuningdek, Trampning bayonotlari tabiati “Amerikaliklar Yevropa taqdiriga ko‘p jihatdan befarqligi” isboti ekanini qo‘shimcha qilgan.
Rossiya S-300/400 maketlari bilan dunyo ko‘zini aldamoqda!
Ukraina O‘zbekistonga sanksiya joriy qildi. Uchta kompaniya va bir fuqaro “qora ro‘yxat”da
Rossiya Ukrainani vijdonsizlarcha o‘qqa tutmoqda
