Axborot va ommaviy kommunikasiyalar agentligi direktori o‘rinbosari Saida Mirziyoyeva ayni paytda Birlashgan Arab amirliklarida xizmat safarida bo‘lib turibdi. Bu haqda prezidentning katta qizi o‘zining telegramdagi kanalida xabar berdi.
- Bugun Birlashgan Arab Amirliklari poytaxti yaqinidagi Saodat orolida joylashgan mashhur muzey - Abu-Dabi Luvrida bo‘ldim, deb yozadi Saida Mirziyoyeva.⠀
- Bu maskanning noyob me’moriy yechimi kishini lol qoldirmasdan qo‘ymaydi. Muzey huddiki dengiz ustida, ochiq osmon ostida parvoz qilib turgandek tuyuladi. Abu-Dabi Luvrining to‘plami ham ajoyib. Bu yerda Leonardo Da Vinchi, Pikasso, Van Gog, Gogen, Matiss va boshqa taniqli ustalarning asarlari bor. Xilma-xil davrlar, madaniyat va tamaddunlarga oid ko‘plab eksponatlar mavjud.
Shuningdek, Saida Mirziyoyeva muzey ko‘rgazmasi bilan tanishuv juda yorqin taassurot qoldirganini ta’kidlagan.