Tojikistonning Xatlon viloyati Vaxsh qishlog‘ida yashovchi Alimov Olimjon Tojiddinovich homilador xotinini shafqatsizlarcha o‘ldirganlikda ayblanib sudlandi, deb xabar beradi “Dialog.tj”.
Tojikiston Bosh prokuraturasi matbuot xizmatining xabar berishicha, O. Alimov o‘tgan yilning noyabr oyida Sumanmox Nazarova ismli fuqaro bilan nikohga kirgan.
Ta’kidlanishicha, er-xotin oilaviy hayoti tinch o‘tmagan, ular tinimsiz janjallashgan. Shu yilning 24 martida esa yana bir mojaro yuz bergan. Alimov oilaviy janjal paytida homilador xotinini bo‘g‘ib o‘ldirmoqchi bo‘lgan va keyin unga bir necha marta pichoq urgan, natijada Nazarova vafot etgan. Keyin Alimov jinoyat izlarini yashirish uchun uyning xonalaridan birida chuqur qazib, ayolini ko‘mgan.
Olimjon Alimovga nisbatan Xatlon viloyati prokuraturasi Tojikiston Jinoyat kodeksining 104-moddasi (Qotillik) bo‘yicha jinoiy ish qo‘zg‘atdi.
Xatlon viloyati jinoiy ishlar bo‘yicha sud qarori bilan Olimjon Alimov 22 yil qamoq jazosiga hukm qilindi va jazoni eng qattiq tartibli koloniyada o‘tishi ta’kidlandi, shuningdek, 5 yilni umumiy tartibli koloniyada o‘tkazadigan bo‘ldi.
Ukraina prezidenti Rossiya bilan muzokaralarga tayyor ekanini aytdi
Eron raketalarining aksariyati Isroilning Arrow mudofaa tizimi yordamida qo‘shni davlatlar ustida urib tushirilgan
Moskva Isroilning ehtimoliy hujumidan himoya qilish uchun Eronga zamonaviy qiruvchi va havo mudofaa tizimlarini topshirishi mumkin
